學位論文
Permanent URI for this collectionhttp://rportal.lib.ntnu.edu.tw/handle/20.500.12235/73882
Browse
2 results
Search Results
Item 葉俊麟台語歌謠創作研究(2010) 廖秀齡葉俊麟，tshìng kah lia̍h-bē-tiâu ê台語歌謠作詞家，一生創作數千首台語歌詩。伊以本身ê天份，巧妙運用各種文學技巧，呈現特有ê藝術美感，用上貼近台灣土地ê語言多樣又多情來呈現時代ê人、事、時、地、物，反映社會ê形象kap人民ê生活面貌。在過去，伊攏 hông 以作詞家ê身份，歸入音樂娛樂界來看待，極加針對社會學ê層次來探討伊歌詞ê歷史背景、政治環境、社會文化等。到tann，對葉俊麟創作ê文學、語言面向ê研究猶真少，更加免講khǹg tī台灣文學史ê角度來探討。 本論文以葉俊麟歌謠創作做主體，關照仝時代台語流行歌ê題材內容、書寫技巧、文學語言。筆者觀察 tio̍h作詞家經歷過兩个無仝政權e統治。伊將家己ê性命經驗寫入歌詞內面，無論是台灣ê都市生活、鄉村生態、地理歷史、人文社會樣貌等；尤其寫各種人物e時深入koh活跳。葉俊麟ê詞作充滿移景入情、浪漫豐富ê敘述技巧，以書面語描寫出雅緻情懷ê文學意境，tī靈活自然siak-phah ê口語中呈現出多樣性ê文學語言興味，承接台灣民間歌謠kap日治時期創作歌謠ê台語文學精華。葉俊麟M̄-nā展現本身tī六○年代精煉台語詩歌ê成就，就算是近來以台語創作ê作詞家kap台語純文學創作者ê作品，tī文學層次mā相當受葉俊麟以及仝時代作詞家ê影響。 Tī台灣文學史ê角度，葉俊麟kap仝時代ê作詞家就是1980年代以來台語文學書寫ê先行者。台語文學，uì台灣民謠puh-ínn、釘根tī台語流行歌，到書寫庶民生活ê純文學創作，一脈相傳m̄-bat斷過。Item 陳雷kap陳明仁台語劇本主題研究(2010) 張秀寬; CHANG,HSIU-KUAN陳雷kap陳明仁的台語劇本創作是用現代戲劇的方式，用台語文為書寫工具，以五○年代以來到今的台灣風土、民情、社會價值觀、人文樣貌為題材，運用象徵、隱喻、語言khau-sé、情節投射的手法表達in對社會的關懷、抗議不公kap政治批判。 本論文用文本整理、分析來了解陳雷kap陳明仁in密集koh大量創作劇本的動機kap理念；並對in劇作中的主題作研究，暸解劇本中所呈現出來的在地情感，社會教化理念kap堅持台語文書寫的時代性意義。 兩位台語文學家的戲劇故事雖然lóng kap台灣的景物相連結，tī腳色的塑造上嘛lóng表現出台灣中、低層人民的勤、儉、土直、善良本性，m̄-koh tī情節鋪排、人物刻劃…等劇劇行動方面，有in無kāng的差異，本文用對比的方式來探究各自的特色，深化對台語劇作的價值kap瞭解。